Ibiciro ku masoko byazamutseho 7,2% mu Ugushyingo 2025

Ikigo cy’igihugu gishinzwe ibarurishamibare mu Rwanda ,NISR, cyatangaje ko mu Ukwezi ku Ugushyingo 2025,ibiciro byiyongereyeho 7,2% ugereranyije n’Ugushyingo kwa 2024.

Ibiciro mu kwezi ku Ukwakira 2025 byari byiyongereyeho 7,1%.

NISR ivuga ko ibiciro byo mu Ugushyingo 2025, byiyongereye bitewe ahanini n’iby’ibiribwa n’ibinyobwa bidasembuye byiyongereyeho 1,4%, iby’ibinyobwa bisembuye n’itabi byiyongereyeho 16,2%, iby’amazu, amazi, amashanyarazi, gazi n’ibindi bicanwa byiyongereyeho 7,7%, iby’ibijyanye n’ubuvuzi byiyongereyeho 70,9%, iby’ibijyanye n’ubwikorezi byiyongereyeho 9,3% .Ni mu gihe ibiciro by’amafunguro n’icumbi byiyongereyeho 19,4%.

Iki kigo kivuga ko ugereranyije Ugushyingo 2025 n’Ugushyingo 2024, ibiciro by’ibintu bitarimo ibiribwa n’ibikomoka ku ngufu byiyongereyeho 9% Ugereranyije Ugushyingo 2025 n’Ukwakira 2025, ibiciro byari byiyongereyeho 0,2%.

NISR ivuga ko Iri zamuka ryatewe ahanini n’ibiciro by’ibinyobwa bisembuye n’itabi byiyongereyeho 1,4%, ibiciro by’amazu, amazi, amashanyarazi, gazi n’ibindi bicanwa byiyongereyeho 0,4% n’ibiciro by’ibijyanye n’ubwikorezi
byiyongereyeho 0,6%.

Iki kigo kivuga ko mu Ugushyingo 2025, ibiciro mu byaro byiyongereyeho 2% ugereranyije n’Ugushyingo 2024.